Жаңалықтарды Telegram арнамыздан оқыңыз!Түркістан облысында екі жеңіл көлік соқтығысып, салдарынан 6 адам қаза тапты. Жол-көлік оқиғасы бүгін Кентау-Түркістан тас жолының бесінші шақырымында болған. Полицияның мәліметінше, жүргізушілердің бірі жылдамдықты асырып, қарсы жолаққа шығып кеткен. Сөйтіп екінші көлікке соғылған. Жол апатынан екі көлік те жанып кетті. 4 адам түрлі дене жарақатымен Кентаудағы ауруханаға жатқызылды.
Қазір осы оқиғаның барлық мән-жайлары анықталып жатыр. Сотқа дейінгі тергеу амалдары жүргізілуде.
Айнұр Әбілқасымқызы
