Еңбек адамдарын насихаттайтын деректі фильм жарық көрді

Алматыда еңбек адамдарын насихаттайтын деректі фильм жарық көрді. “One day life” деп аталатын жоба қалалық жастар саясаты басқармасының ұйытқы болуымен жүзеге асқан. Фильм 10 бөлімнен тұрады.

Жұмысшы мамандықтар жылы аясында түсірілген туындыда түрлі кейіпкерлердің тағдыры, еңбек жолы, табандылығының арқасында жеткен жетістіктері көрсетіледі. Тігінші, металлург, құрылысшы сынды мамандардың ел өркендеуіне, қоғам дамуына қосатын үлесі орасан. Деректі фильмде осы маңдай тер, адал табыс ұғымы толық ашылады.

Бану Көпбаева, тігінші:

Мен үлкен экраннан бүгін өзімді бірінші рет көріп тұрмын. Өте қатты толқып тұрмын. Жастарға тек қана әдемі өмір сүру емес,еңбек етіп, оқып, жаңа білім алып сондай даму жолымен жүруге насихаттайтын фильм деп ойлаймын.