Мәскеуде күн күрт жылынып, рекордқа жетті

Мәскеуде ауа температурасы қаңтардағы рекордтық көрсеткішке жетті. Бүгін ел астанасында күн 3,5 градусқа дейін жылынған. «Бұл – 1914 жылдан бергі ең жылы қаңтар», - дейді мамандар. Синоптиктер сынап бағанасы 6 градусқа дейін көтерілетінін айтады. Ерекше құбылысқа Атлант мұхитынан жеткен циклон себепші. Ол жылумен қатар елдің көп бөлігіне жауын-шашын да ала келген. Биыл Ресей астанасында қар жоқтың қасы. Мұндай жағдай 2019 жылы болған еді. Ол кезде қала билігі өзге мемлекеттен жасанды қар сатып алып, оны ұрлап кетпес үшін күзет пен қоршау қойған болатын. 

Индира Бегайдар