Трамп 1,5 млн палестиналықты араб елдеріне көшіргісі келеді

Трамп кемі 1,5 миллион палистиналықты көрші араб елдеріне көшіргісі келеді. АҚШ президеті бұл ойын БАҚ өкілдеріне ашық айтты. Иордания королі ІІ Абдулламен хабарласып өтінішін білдіріп те үлгерген. Енді Мысыр президентіне де осындай ұсыныс жасамақ.

Бұл мәлімдеме палестиналықтардың наразылығын тудырды. «ХАМАС-та», Палестина әкімшілігі де ұсынысты қатаң сынға алды. Иорданияның сыртқы істер министрі корольдіктің палестиналықтарды көшіруге түбегейлі қарсы екенін айтты.

Соңғы 15 айда соғыс салдарынан Газа тұрғындарының көпшілігі үйлерінен қуылды, ал аймақ инфрақұрылымының басым бөлігі жойылды. БҰҰ-ның есебіне қарағанда, Газадағы ғимараттардың 60%-ы қираған және оларды қалпына келтіруге ондаған жыл қажет болуы мүмкін.

Жалғас Сәдібекұлы