Лос-Анджелес маңында тағы бір өрт ошағы пайда болды

АҚШ-тың Лос-Анджелес қаласынан сексен шақырым жерде бүгін тағы бір өрт ошағы пайда болды. Жылдам таралып жатқан тілсіз жау қазірдің өзінде 1,5 мың гектар аумақты күлге айналдырды. Сол маңда тұратын жүздеген адам әрең жан сауғалап үлгерген. Ал екі аптадан аса жанып жатқан екі ірі орман өрті әлі толық басылған жоқ. Вашингтон қаласымен шамалас аумақты шарпыған тілсіз жау 28 адамның өмірін қиды. 16 мыңға жуық ғимарат зақымдалды. 180 мың адам үйін тастап кетуге мәжбүр болды. Келген шығын көлемі 250 млрд доллардан асып кетуі мүмкін.

Жалғас Сәдібекұлы