Жаңалықтарды Telegram арнамыздан оқыңыз!Түркияның Болу провинциясындағы Карталкая тау шаңғысы курортында жеті қабатты қонақ үй өртеніп, 10 адам қайтыс болды. Өрт кезінде жоғары қабаттан секірген және түтінге тұншыққан 32 адам ауруханаларға жеткізілді. Жергілікті уақытпен түнгі сағат үштерде қонақ үйдің бірінші қабатындағы мейрамханада басталған өрт аз уақытта жоғары қабаттарға жеткен.
Алдын ала мәлімет бойынша қонақ үйде 300-дей адам болған. Мамандар ғимарат ішінде әлі де адамдар болуы мүмкін дейді. Өрт сөндірушілер әлі де жалынды ауыздықтауға тырысуда. Қонақ үйдің сырты толықтай ағашпен қапталғандықтан, жалын жылдам тарап жатыр. Қонақ үй дәл таудың басында орналасқандықтан, өрт сөндіру техникасының ғимаратқа жақындауы қиын болып тұр.
Айдос Әшімұлы
