Өзбекстанның бірқатар аймағында қар көшкіні жүру қаупі бар

Көршілес Өзбекстанның бірқатар аймағында қар көшкіні жүру қаупі бар. «Узгидромет» осындай шұғыл хабарлама таратты. Бұған күн райының күрт суытуы, қар мен жаңбырдың молынан түсуі себеп болуы мүмкін. Атап айтқанда, біздің еліміздің оңтүстігімен шектесетін Ташкент облысының үш ауданында, сондай-ақ Қырғызстанмен іргелес Наманған аймағында қар көшкіні қаупі сақталады. Қарақалпақстан Республикасы мен Ферғана алқабында жауын-шашын болып, қалың қар жаууы ықтимал. Төтенше жағдай қызметінің өкілдері тұрғындар мен саяхатшылардың тауға шыққанда мейлінше сақ болуды сұрайды.

Базаркүл Отыншиева