Ресейдің Самара облысындағы жол апатынан 7 адам зардап шекті

Ресейдің Самара облысындағы жол апатынан екі қазақстандық қаза тауып, жеті отандасымыз зардап шекті. Елге жеткізілген олардың жағдайы орташа ауыр. Жол апаты «Самара – Большая Черниговка» тасжолында болған. Қазақстандық тіркеудегі екі жеңіл көлік соқтығысып, оқиға орнында 31 жастағы жүргізуші мен 9 жасар бала қаза тапты. Түнде апаттан зардап шеккен жеті азамат пен екі адамның денесі Оралға жеткізілді. Қазір екі бала - облыстық балалар ауруханасында, ал бес адам қалалық ауруханада ем алып жатыр. Алты және 15 жастағы қыз балалардың жағдайы ауыр. Миы шайқалып, сан сүйегі сынған.

Диас Жайлаубайұлы, Орал қалалық көпбейінді аурухана директорының орынбасары:

Бір науқас жансақтау бөліміне жатқызылды. Жағдайы ауыр, бірақ қалыпты болып саналады. Екі науқас политравма бөлімшесіне жатқызылды әртүрлі сүйек жарақаттарымен. Жағдайлары орташа ауырлықта. Және бір науқас нейрохирургия бөліміне жатқызылды. Жабық бас ми жарақатымен. Жағдайы орташа ауырлықта.

Ардақ Мұратқызы