Жаңалықтарды Telegram арнамыздан оқыңыз!Қарабаев әуежайдың төтенше жағдайлар қызметі ұшақты қабылдауға дайын екенін айтты. Қазақстан Республикасының әуе кеңістігіне енгеннен кейін экипаж Ақтау сити мұнарасының диспетчерімен байланыс орнатты. Диспетчер әуе кемесін аэродромға қондыру үшін барлық қажетті шараларды дер кезінде қабылдады. Сонымен қатар, ұшу-қону жолағымен көрнекі байланыс орнатуды жеңілдету үшін ұшу-қону жолағындағы шамдар қосылды. Экипаж Ақтау аэродромының ұшу-қону жолағына жақындауға екі рет әрекет жасады, оның барысында кеменің биіктігіндегі ретсіз өзгерістер байқалды.
Кеме жағалау сызығына қарай бұрылды. Сағат 11.28-де экипажбен байланыс үзіліп, ұшақ жерге соқтығысқан. Ақтау әуежайының құтқару қызметі дереу шығып, әуе кемесі құлаған жерге бірінші болып жетіп, борттағы жолаушыларды дереу эвакуациялауға кірісті. Бүгінде ҚР Көлік министрлігінің көліктегі оқиғалар мен оқыс оқиғаларды тергеу департаментінің мамандары кірген арнайы комиссия тексеру жүргізіп жатыр.
