Жаңалықтарды Telegram арнамыздан оқыңыз!Ал Түркияның Муғла провинциясында санавиацияның тікұшағы құлап, 4 адам қайтыс болды. Анталиядағы бір науқасқа бару үшін жерден көтерілген тікұшақ қалың тұман кесірінен аурухананың қабырғасына соғылып, құлаған. Кабинада болған екі ұшқыш, бір дәрігер мен бір аурухана қызметкері оқиға орнында көз жұмды. Куәгерлердің айтуынша, тікұшақ ауаға көтерілген соң 40-50 секундтан кейін аурухананың жоғарғы қабаттарына соғылған. Қазір оқиғаны зерттеу үшін арнайы комиссия құрылып, қылмыстық іс қозғалды.
Идрис Акбыйык, Муғла провинциясының губернаторы:
Таңертеңгі сағат ондар шамасында ауаға көтерілген санавиация тікұшағы апатқа ұшырады. Кешеден бері қаламызда қалың тұман болып тұрған еді. Апаттың себебі содан деп ойлаймыз. Тікұшақ соғылған аурухананың жоғарғы қабаттарында апат кезінде адам болмаған. Сондықтан ол жерде ешкім жарақат алған жоқ.
Айдос Әшімұлы
