«Қазгидромет» дауылды ескерту жариялады

Бүгін еліміздің бірнеше облысында тағы дауылды ескерту жарияланды. Синоптиктердің болжамынша, еліміздің оңтүстік өңірлерінде қалың қар жауып, боран соғады. Орталығында, батысы мен солтүстігінде сырғыма боран жүріп, көктайғақ болады. Абай, Шығыс Қазақстан облыстарында да боран соғуы мүмкін. Желдің екпіні секундына 15-20 метрге дейін жетеді. Ауа райының қолайсыздығына байланысты түнде Алматы –Ташкент - Термез тас жолында жүк көліктерінің қозғалысына шектеу қойылды. Құтқарушылар дауылды ескертулерге құлақ асып, сапарды алдын ала жоспарлау қажеттігін еске салды.

Оңғар Алпысбай