Жаңалықтарды Telegram арнамыздан оқыңыз!Түркістанда борышкер жүргізуші тәртіп сақшыларынан қашып құтылмақ болды. Патрульдік полиция батальонының қызметкерлері кезекті рейд кезінде жеңіл көлік иесінің 4 миллион теңге төленбеген қарызы бар екенін анықтаған. Алайда темір тұлпарды тізгіндеуші тәртіп сақшыларының көлікті тоқтату туралы заңды талабына бағынбай, керісінше жылдамдықты арттырған. Сөйтіп полициядан жасырынуға тырысқан. Жедел қабылданған шаралардың нәтижесінде бұл көлік тоқтатылып, айып тұрағына жеткізілді. Ал жүргізуші әкімшілік жауапкершілікке тартылды.
Айнұр Әбілқасымқызы
