Алматыда өткен Халықаралық иттер көрмесіне тұңғыш рет қазақ тазысы қатысты

Алматыда өткен Халықаралық иттер көрмесіне тұңғыш рет қазақ тазысы қатысты. Ресей, Өзбекстан мен Қырғызстаннан 500-ге тарта түрлі тұқымды иттер мен 30-дан аса қазақ тазысы жиналды. Жеті қазынаға жататын құмайды әлемдік деңгейде танытуға бағытталған шарада Нидерланд, Словакия, Грекия және Қытайдан келген сарапшылар төрелік етті.

Тазы асыл тұқымды иттердің ресми стандартына сәйкес бағаланды. Шарада құмайдың бойы мен салмағы, басы, кеуде тұсы мен тісі, шапшаңдығы мен ізшілдігі жіті тексерілді.

Герард Джиппинг, Халықаралық кинология федерациясының вице-президенті:

Қазақ халқының ұлттық болмысына тазы ит жақын деп ойлаймын. Мен түрлі асыл тұқымды иттерді өсірдім. Зерттеуімше, тазының аңшылық қабілеті ерекше, өзі - талғампаз жануар. Ендігі мақсат -оның санын көбейтіп, баптап, тұқымын жоғалтпау керек. Меніңше, тазыны табиғи жолмен өсірген дұрыс. Сонда аңға салғанда, олжалы қайтады.

Айдана Қуантхан