Елімізде 1,2 млн адам декларация тапсырмаған

Биыл 2 млн 400 мың адамның жартысы ғана жалпыға бірдей декларация тапсырған. Мемлекеттік кірістер комитетінің дерегінше, жыл басынан бері республика бойынша кәсіпкерлер мен олардың жұбайлары 15 қыркүйекке дейін табысы мен активтері жайлы декларация тапсыруы тиіс. Құжатты бүгінге дейін тек 1 млн 100 адам өткізген. Тапсырмағандарға алдымен ескерту беріледі. Бірақ 1 жыл ішінде мүлкін жарияламаса, 15 айлық есептік көрсеткіш көлемінде айыппұл арқалайды.

Ерсайын Көптілеуұлы, ҚР ҚМ МКК жеке тұлғалардың кірістерін әкімшілендіру басқармасының сарапшысы:

Облыс, қаладағы басқармалар олар азаматтармен түсіндірме жұмыстарын жүргізеді. Сонымен қатар біздің әлеуметтік желіміз бар. Өзіміздің сайттар бар. БАҚ арқылы да түсіндіріп жатырмыз. Егер декларацияға қатысты сұрақтар болса, әлеуметтік желіде видео нұсқаулықтар бар. Оны тапсыру 3-4 минут қана уақытты алады.

Динара Жарқынбек