Дәрі-дәрмек 12% қымбаттады

Елімізде дәрі-дәрмек қымбаттап жатыр. Energyprom сарапшыларының мәліметінше баға бір жылда 12 процентке көтерілген. Қымбатшылық әсіресе Астана, Шымкент қалалары мен Павлодар, Қарағанды және Абай облыстарында байқалады. Препараттар бағасының көтерілуіне импорттық дәрі-дәрмектердің қымбаттауы себеп. Жыл басынан бері еліміз шетелдерден 600 миллион доллардың дәрісін сатып алған. Ал өзімізде 70 миллиард теңгенің өнімі өндірілді. Бұл өткен жылмен салыстырғанда 16 пайызға көп.

Досжан Маратұлы