Жаңалықтарды Telegram арнамыздан оқыңыз!Балалар әлемін таңғалдырған талант. Осындай атаумен Қостанайда жазушы Бердібек Соқпақбаевтың туғанына 100 жыл толуына орай әдеби кеш өтті. Кеш аясында қаламгердің әр жылдары жарық көрген кітаптарының көрмесі ұйымдастырылды. Студент жастар мен жалпы оқырман қауымға Соқпақбаевтің өмірі мен қызметі, оның шығармаларының ерекшелігі мен әдебиетке қосқан үлесі жайлы айтылды. Бірнеше тілге аударылған жазушы туындылары өскелең ұрпақты адалдыққа, ізгілікке жетелейді.
Кенжегүл Есіркепова, филология ғылымының кандидаты, профессор:
Бір ғана үлгісі классикалық шығармасының «Менің атым Қожа», сонымен қатар «Балалық шаққа саяхат», «Өлгендер қайтып келмейді» тағы да басқа 20 астам шығармалары қазіргі уақытта да қадір қасиетін жоймаған, тәрбиелік мәні зор шығарламалар деп айтуымызға болады.
Дәуренбек Әбдібек
