Еліміздің алты облысында жол жабылды

Ауа райының нашарлауына байланысты 6 облыста республикалық маңызы бар 6 автожол жабық тұр. Барлық көлік түрінің қозғалысына шектеу енгізілген. ҚазАвтожол баспасөз қызметінің ақпаратынша, бұл жол учаскелері Абай, Жамбыл, Жетісу, Қостанай, Түркістан және Ұлытау облысында орналасқан. Мұнда қалың қар жауып, боран соғып тұр. Айта кетейік, ауа райының қолайсыздығына байланысты Астанада бастауыш сынып оқушылары қашықтан оқып жатыр.

Асылбек Данияр