Балалардың шотына ақша аударылған соң Ұлттық қордың ақшасы 1%-ға төмендеді

Балалардың шотына ақша аудырылған соң, Ұлттық активтері 1 пайызға төмендеді. Ұлттық банк төрағасының орынбасары Ақылжан Баймағамбетов Үкімет отырысында осылай деді. Қазір қорда 59,4 млрд АҚШ доллары көлемінде актив бар. Қаңтар айында балалардың шотына жалпы сомасы 696 млн доллары аударылған. Оның 30,6 млн доллары биыл 18 жасқа толатын балалардың ақшасы.

Ақылжан Баймағамбетов, ҚР Ұлттық банк басқарма төрағасының орынбасары:

«Ұлттық қордың активтері жыл басынан 1% төмендеп, 59,4 млрд АҚШ долларын құрады. Бұл төмендеу «Ұлттық қор – балаларға» бағдарламасы бойынша міндеттемелерді есептеуге байланысты. Барлық балаға валюталық шот ашылды. Өмірге жаңа келген балаға шот ашу процесі автоматтандырылды. Жыл сайын қаражат аудару механизмі әзірленді.