Президент салық салу жүйесін жетілдіруді тапсырды

Президент елдің салық жүйесіне көңілі толмайтынын айтып, әзірленіп жатқан жаңа Салық кодексін сынға алды. Айтуынша, бұл құжатта Ұлттық қордан бөлінетін трансферттің орнын, салықты көтеру арқылы толтырып, қазынаға түсімдерді арттыру жайы қарастырылған. «Бұл дұрыс емес. Өйткені жаңа кодекс қазір кәсіпкерлер арасында салықты 12 пайыздан 16 пайызға арттыруды көздейтін құжат ретінде ғана қарастырылып жүр. Кейін бұл көлеңкелі бизнестің артып, инфляцияның шарықтауына әкелуі мүмкін»,-деді Президент. Сондықтан Үкіметке салық салу жүйесін жетілдіруді, кодекске түзетулер енгізіп, бюджетті дұрыс жоспарлауды тапсырды.

Досжан Маратұлы