Жаңалықтарды Telegram арнамыздан оқыңыз!Чилидің Вальпараисо өңірінде орман өрті дес бермей жатыр. Тілсіз жаудан 112 адам қаза тапқан. Құрбандардың саны бұдан да көп болуы мүмкін. Бірнеше адам жоғалып кеткен. Өртке байланысты төтенше жағдай жарияланды. Ұрлық, тонау болмас үшін коменданттық сағат енгізілген. Жалын елде болған аптап ыстықтан кейін басталған. Өрт қаулаған аймақта миллионнан астам адам тұрып жатыр. Зардап шеккендер арасында туристер көп болуы мүмкін. Себебі танымал Винья-дель-Мар курортына жазғы демалыс кезінде шетелдіктер көп барған. Өртті сөндіруге 1400 маман, армия, ұшақтар және тікұшақтар тартылды.
Арай Төлеген
