Ұлттық банк азаматтарды алаяқтардан сақ болуға шақырды

Елімізде телефон алаяқтары көбейіп барады. Ұлттық банк ел азаматтарын сақ болуға, жеке мәліметтерін ешкімге айтпауға шақырды. Банк хабарламасына сәйкес, олардың басты белгісі – қандай да бір алаяқтық әрекет бойынша істің мән-жайын анықтамақ болып, өзін банк қызметкері ретінде таныстыру арқылы қазақстандықтардың дербес деректерін алуға тырысады. Әрі банктің мобильді қосымшасын немесе қашықтан басқаруға арналған сервисті орнатуға үгіттейді. Кейін қаскөйлер смартфонды қашықтан толық басқаруға мүмкіндік алып, шот ашады, несие рәсімдейді және ақшасын аударып алады.

Досжан Маратұлы