Жаңалықтарды Telegram арнамыздан оқыңыз!Елордада күн сайын 50-ге жуық адам қызылша жұқтырып жатыр. Эпидимиологиялық жағдай тұрақты емес. Бұл туралы қаланың бас мемлекеттік санитарлық дәрігері мәлімдеді. Инфекцияның бұлайша көбеюіне жаңа жылдық мереке кезіндегі әлеуметтік қарым-қатынастың артуы себеп болды, - дейді мамандар. Соңғы уақытта қызылша жұқтырған ересек адам көбейген. Ал науқастардың 68 пайызы екпе алмаған.
Сархат Бейсенова, Астана қаласының бас мемлекеттік санитариялық дәрігері:
Елорданың медициналық ұйымдарымен ұлттық вакцинация күнтізбесіне сәйкес вакцинация алмаған балаларды анықтау жұмыстары жалғасуда. Осылайша, 1 және 6 жаста қызылшаға қарсы егілмеген 7-18 жас аралығындағы анықталған 13 000 баланың 12 336-сі иммунизациямен қамтылды, бұл 94,9 пайызды құрайды.
