Сенатта вандализмге қарсы заңнаманы қатаңдату ұсынылды

Сенаторлар вандализмге қарсы заңнаманы қатаңдатуды ұсынып отыр. Депутат Геннадий Шиповских, соңғы уақытта вандализм мәселесі ушығып тұрғанын айтады. «Сондықтан қоғам дертіне айналған жағдайға бей-жай қарамай, бірінші кезекте жастар арасында тиісті профилактикалық жұмыс жүргізу қажет», - дейді.

Геннадий Шиповских, ҚР Парламенті Сенатының Депутаты:

Тек қана Сенат емес, тек қана Парламент емес, бұл жердегі басты мақсат - халықтың бірігіп, консолидация жасап, сол жерде бірлесе отырып, бір жағадан бас, бір жеңнен қол болып, бір жұдырықтай жұмылып, осы жұмысты атқаруы. Яғни, қоғамды қалыптастыру. Әрине, бұл сала бойынша ІІМ-нің де ақсап жатқанын біз байқап жатырмыз, өкінішке орай.

Жандос Темірғали