Жаңалықтарды Telegram арнамыздан оқыңыз!Экологияны ластаған кәсіпорындарға 323 млрд теңге айыппұл салынды. Оның тек 11,3 млрд теңгесі өндірілген. Бұл туралы Экология және табиғи ресурстар министрі Ерлан Нысанбаев мәлімдеді. Ең көп айыппұл арқалаған өнеркәсіптің бірі – Karabatan Utility Solutions. Кәсіпорын экологиялық талаптарды бұзғаны үшін 7,2 млрд теңге төлейді. Ал «Теңізшевройл» компаниясына 2,8 млрд айыппұл салынды. Өңірлер арасында қоршаған ортаға ең көп зиян келтірген өнеркәсіптер Шығыс Қазақстан облысында. Мұнда төрт нысан жалпы сомасы 2,6 млрд теңге төлеуге міндетті. Одан кейін Қызылорда облысындағы кәсіпорынға 681 млн, Абай облысындағы 4 нысанға 677 млн теңге айыппұл салынды.
