Еуропада кәсіпорындар банкротқа ұшырап жатыр

Еуропадағы энергетикалық дағдарыс шағын және орта бизнестің жағдайын қиындатып отыр. Бір ғана Францияда былтыр 55 мыңнан астам кәсіпорын банкротқа ұшыраған. Дені – мейрамхана, қонақ үй бизнесімен айналысқандар. Елдің Орталық банкінің басшылары бұрын-соңды мұндай болмаған деп алаңдап отыр. Кәсіпорындардың жабылуына несиенің пайыздық үстемесінің өсуі және электроэнергияның қымбаттауы себеп болған. 5,5 млн халқы бар Финляндияда өткен жылы 3 мыңнан астам кәсіпорын жабылған.

Йоханнес Лайне, кәсіпкер:

Менің саунам Фин сауналарының ішіндегі үздіктерінің бірі еді. Тоқ пен судың бағасы шарықтаған соң жабуға мәжбүр болдым. Әбден шығынға баттым. Үкіметтен еш қолдау жоқ.

Юхани Виртанен, экономикалық сарапшы:

Кәсіпорындардың жаппай жабылуы-дағдарыстың қаншалықты қатты екенін аңғартады. Соңғы 25 жылда тіркелмеген көрсеткіш. Финляндияда қазір жұмыссыздардың саны 200 мыңнан асты.

Нұргүл Қасым