Жаңа өндірушілер үшін тауарын базарға өткізу қиын

Шағын кәсіпкерлер ірі сауда орындарына өнімдерін өткізе алмайды. Себебі ол жақта белгілі топтар жаңа өндірушілерді жолатпау үшін «базар мафиясын» құрып алған. Журналистер сауда және интеграция министріне кәсіп иелерінің шағымын жеткізді. Арман Шаққалиевтің айтуынша халық арасында «базар мафиясы бар» деген пікір бұрыннан қалыптасқан. Бірақ қазіргі кезде ондай топтар жоқ. Жай ғана саудагерлер бұрыннан жұмыс істеп келе жатқан өндірушілерге көбірек сенеді. Сондықтан жаңа адамдардың нарыққа кіруі, - қиын дейді ол.

Арман Шаққалиев, ҚР Сауда және интеграция министрі:

Ондай фактілер анықталса, кез келген топты жылдам тәртіпке саламыз. Ішкі істер органдары бар. Бұдан бөлек, өзіміздің құзыретімізді қолданамыз. Негізі ондай фактілер жоқ емес. Бірақ топтардың себебінен емес, жосықсыз бәсекенің салдарынан болады. Оған әрекет етіп отырамыз.

Оңғар Алпысбай