Жаңалықтарды Telegram арнамыздан оқыңыз!Қостанай облысында 88 мың тонна бидай қар астында қалды. Қолайсыз ауа райы салдарынан дихандар осынша астықты орып үлгермеген. Тобыл өңірінде 3,9 млн тонна астық жиналды. Бұл өткен жылмен салыстырғанда 1,8 млн тоннаға аз. Әрі шығымдылығы да төмен. Жиналған астықтың 2 миллион тоннадан астамы классқа жатпайды, мал азығына ғана жарамды. Диқандар оны қайда сатарын білмейді. Азық-түлік корпорациясы аймақтан тікелей сатып алу бойынша 94 мың тонна астық қабылдайды. Бұл көлем өте аз, - дейді шаруалар.
Ибрагим Бекмұхамедов, Облыстық ауыл шаруашылығы және жер қатынастары басқармасының басшысы:
Мұндай жағдай облыстың барлық аудандарында дерлік болды. Тек Жанкелдин ауданы ғана бәрін жинап үлгерді. Осынша Астықтың жиналмай қалуы биылғы үздіксіз жауған жаңбырдың салдары. Жауын-шашын ашылғанмен, егістік батпаққа айналды. Одан кейін ауа температурасы түсіп кетті. Біз ештеңе істей алмадық.
Дәуренбек Әбдібек
