Депутаттар мен еріктілер қан тапсырды

Бүгін - Дүниежүзілік СПИД-ке қарсы күн. Осыған орай «Қан тапсыр - өмір сыйла!» әлеуметтік акция ұйымдастырылды. Оған «Respublica» партиясы ұйытқы болды. Акцияға Мәжіліс депутаттары мен еріктілерді қосқанда бас-аяғы 50-ден астам адам қатысты.

Бұдан бөлек, шараны партияның аймақтардағы филиалдары да өткізіп жатыр. Олар донация алдында қан мен қан компоненттерін донорлыққа қарсы көрсетілімдерді болдырмау үшін алдын ала тексеруден өтті. Партия мүшесі Жанат Райымбеков 23 жылдан бері қан тапсыратынын айтты.

Жанат Райымбеков , «Respublica» партиясының мүшесі:

Қан тапсыру арқылы біз қаншама адамның өмірін сақтап қаламыз. Ең құнды сыйлық – ол өмір сыйлау. Бізді бүгін мынадай қызық жағдай: Алмас деген жігіт тапсырып жатыр қан. Оның қаны өте сирек кездесетін қан тобы екен төртінші топтағы. Сол бүгін операцияда жатқан кісіге құйылады.

Асылбек Данияр