Қазақ радиосының эфирге шыққанына - 95, ал «Шалқарға» - 50 жыл

Бүгін мерекеге орай арнайы шара өтіп, радио қызметкерлері тыңдарман қауыммен кездесті.

Биыл қазақтың қос радиосы мерейтойларын атап өтуде. Тарихы бай, тамыры терең, ұлттың үнжариясы болған Қазақ радиосының эфирге шыққанына - 95, ал «Шалқарға» - 50 жыл.

Қазақ радиосы жұмысын 1921 жылдың 29 қыркүйегінде Республикалық радиохабарларды таратудан бастаса, «Шалқар» Ұлттық арнасы 1966 жылдың 1-қаңтарында тұсауын кесті.

Ұлт мүддесін ұлықтап, әуе толқынында танымды, көптің көңіліне жақын ақпарды тарата білген радиоларымыз қара шаңыраққа айналды. Бүгін мерекеге орай арнайы шара өтіп, радио қызметкерлері тыңдарман қауыммен кездесті.

Жиынға ардагер журналистер қатысып, естеліктерімен бөлісті.

Нұржан СӘДІРБАЙ