Елімізде кімдер декларация тапсырмайды?

Жалақы мен зейнетақыға күн көріп отырған қазақстандықтар декларация тапсыруға міндетті емес. Мәжіліс бүгін Салық кодексіне енгізілген осындай өзгерістерді мақұлдады.

Жаңа құжат азаматтардың жыл сайынғы жеке табысы туралы есеп беруін жеңілдетеді. Мемлекеттік кірістер комитеті өзге мемлекеттік органдардан алуға болатын мәліметтерді сұратпайды. Сонымен бірге Қазақстан аумағында алынған мүлік туралы деректерді енгізу де міндетті емес.