Мемлекет басшысы Қауіпсіздік Кеңесінің отырысын өткізді

Отандық өнімдерді экспорттау үшін транспорт әлеуетін ұлғайту маңызды. Ол үшін инфрақұрылымдық шектеулер мен басқа да кедергілерді жойып, көлік-логистика қызметінің сапасын арттыру және тариф қалыптастыру жүйесін жетілдіру қажет. Бұл туралы Президент Қасым-Жомарт Тоқаев қауіпсіздік кеңесінің отырысында айтты.

Мемлекет басшысының төрағалығымен өткен жиында еліміздің көлік-логистика әлеуетін жүзеге асыру барысында кездесетін стратегиялық сын-қатерлер қарастырылды. Қасым-Жомарт Тоқаев транзиттік жүк тасымалын, соның ішінде Транскаспий халықаралық көлік бағдары арқылы тасымалдау ісін дамытудың өзектілігіне назар аударды. Сонымен бірге, Үкіметке бірқатар нақты тапсырма жүктеді.

Асылбек Данияр