Интернет алаяқтар қазақстандықтардан 11 млрд 300 млн теңге жымқырған

Ал интернет алаяқтар жыл басынан бері ел азаматтарының 11 млрд 300 млн теңгесін жымқырған. Ішкі істер министрінің орынбасары Игорь Лепеханың айтуынша, соңғы 5 жылда алаяқтық дерегі 5 есе өскен. Әккі қулар алыста отырып-ақ, аңғал жұрттың ақшасын түрлі жымқырады. 

Мәселен, биыл 14 мыңға жуық интернет алаяқтық тіркелген. 13 мың адам алданып, 11 млрд 300 млн теңгесінен айырылған. Алаяқтар негізінен олардың атына онлайн несие рәсімдеп, банк карточкаларындағы ақшасын қолды қылған. Қазір 500-ден астам азамат ұсталып, жәбірленушілерге әзірге 525 млн теңге өтелді.

Досжан Маратұлы