Басты Жаңалықтар 2028 жылғы Олимпиада ойындарына спорттың бес түрі енгізілді

2028 жылғы Олимпиада ойындарына спорттың бес түрі енгізілді

16.10.2023 20:46

2028 жылғы Олимпиада ойындарына спорттың бес түрі енгізілді. Лос-Анджелесте болатын төрт жылдықтың бас бәсекесінде атлеттер жалаулы футбол, крикет, лакросс, сквош және бейсбол софтболдан бақ сынайды. Бұл туралы Мумбайда өткен Халықаралық Олимпиада комитетінің отырысында белгілі болды. Ереже бойынша Олимпиаданы қабылдаушы ел өзінің бірнеше спорт түрін қосуды сұрай алады. Бұған дейін крикет тек 1900 жылғы ойында ғана болған. Бір ғасырдан астам уақыттан кейін Олимпиадаға қайта енгізілді. Ұйымдастырушылардың сөзінше, жаңалық - Азиялық спорт жанкүйерлерін қуантары сөзсіз. Ойын T20 форматында ойналады. Бес адамнан тұратын командалар ойнайтын жалаулы-футбол 1932 жылы дәл осы Лос-Анджелестегі жарыста болған. Ал, бейсбол бірнеше ойынның бағдарламасында болды. Соңғысы Токиодағы жарыста. Лакросс болса, 1904 және 1908 жылдары ғана енген.

Асылбек Данияр

Автор

Асылбек Данияр

Бөлісу