Жаңалықтарды Telegram арнамыздан оқыңыз!Грек-рим күресінен 67 келіде ел намысын қорғаған Мейіржан Шермаханбет күміс медальға ие болды. Отандасымыз алтын медаль үшін болған белдесуде жапон балуанынан 4:3 есебімен жеңіліп қалды. Оның үстіне Мейіржан күрестің бірінші жартысында жарақат алды. Ал 77 келіге дейін салмақта күрескен балуанымыз Азат Садықов қола жүлдені күреспей-ақ, еншіледі. 60 келіде қоланы сарапқа салған тағы бір спортшымыз Айдос Сұлтанғали Солтүстік Корея өкіліне есе жіберді.Бұдан бөлек, Қазақстан әйелдер құрамасының боксшысы Карина Ибрагимова 57 келі салмақ дәрежесінде Азия ойындарының финалына шықты. Бұған дейін Каринаның Париж Олимпиадасына жолдама алғанын айтқан едік.
Асылбек Данияр
