Триатлоншы Аян Бейсенбаев Азия ойындарының қола жүлдегері атанды

Ел қоржыны тағы бір медальмен толықты. Триатлоншы Аян Бейсенбаев Азия ойындарының қола жүлдегері атанды. Ақмолалық спортшы 1500 метр жүзуді, 40 шақырым велокезеңді және 10 шақырым жүгіруді 1 сағат 52 минут 25 секундта бағындырып, үшінші орынға табан тіреді. Ұлының жеңісін жұмысқа барар жолда естіген Дидар Бейсенбаева қуанышын жасыра алмай, туған-туыстарына хабарласып, сүйінші сұрады.

Ұлын тоғыз жасында спорт үйірмесіне жетектеп апарған анасы. Алайда алғашқыда бұл жәй ғана әуестік деп ойладық,- дейді ол. Дегенмен, арада бір жыл өтпей-ақ Аян қатарластарынан озып шығып, түрлі республикалық, халықаралық жарыстарда жеңіс тұғырынан көрініп келеді.

Дидар Бейсенбаева, Азия ойындарының қола жүлдегері Аян Бейсенбаевтың анасы:

Кішкентай кезінде ауырды. Бронхит болды. Сол кезде дәрігерлер бассейнге беріңіз деген. Солай триатлонның мектебіне апардым. Тренировкаға барып жүрді. Ерінбей. Жаттығуға күніне екі рет барады. Таңертең, сосын түстен кейін тағы барады.