Жаңалықтарды Telegram арнамыздан оқыңыз!Қостанайдың шаруалары киіктің шектен тыс көбеюінен шығынға батып отыр. Түз тағысы шабындық пен жайылымның шаңын шығарып, астық алқаптарын да отап кетеді. Қамысты ауданындағы белгілі диқан, Еңбек Ері – Борис Князев, «400 гектар егінді киіктер түгелдей қырқып тастады» дейді. Ал мың гектардан астам алқаптың шығымдылығын 50 пайызға дейін төмендеткен. Үркітіп қуғаннан нәриже шамалы.
Борис Князев, Қазақстанның еңбек ері, диқан:
Мен тіпті министрге де көрсеттім. Киік егінді таптап тастайды. Тұяғымен топырақты қазып, шұңқырлап алып, отарымен жатады. Күндіз-түні үнемі бақылау мүмкін емес. Мәселе әрі қарай ушықпай тұрғанда бір шешімін табу керек.
Дәуренбек Әбдібек
