Ұн мен қант тапшылығы болмайды – министр

Ұн мен қант тапшылығы болмайды. Сауда және интеграция министрі Арман Шаққалиев бүгін осылай деді. Оның сөзінше, былтырғы дүрбелеңнен кейін төрт бірдей қант зауыты іске қосылып, бүгінде 70 мың тонна өнім шығарылған. Қант көрші Ресейден де үздіксіз жеткізіліп жатыр. Осылайша, бір жылда баға 11 пайызға арзандады, - деді министр.

Сондай-ақ, астық жетіспейді деп ұнды қымбаттатуға негіз жоқ екенін атап өтті. Ішкі нарықты азық-түлікпен қамтамасыз ете отырып, экспортты ұлғайту президент Жолдаудағы тапсырма болатын. 

 Арман Шаққалиев, ҚР Сауда және интеграция министрі:

Ұн мәселесі бойынша кейбір өңірлерде бағаның өсіп жатқанын байқап жатырмыз. Қазіргі таңда ұн бойынша, қант бойынша ешқандай дефицит болмайды. 1000 тонна бидай бар. Айтып отырмыз ғой, әлеуметтік маңызы бар азық түлікке бірінші категориялы ұн кіреді. Нанның бағасы тұрақты.