Жаңалықтарды Telegram арнамыздан оқыңыз!Шымкентте қазына қаржысын бей-берекет жұмсау дерегі анықталды. Прокурорлардың тексеру барысында энергетика және инфрақұрылымды дамыту басқармасының әлі құрылысы аяқталмаған нысанға 15 миллион теңге аударғаны белгілі болды. Сондай-ақ шенеуніктер ғимаратта құрылыс жұмыстары аяқталмаса да іске жарамды деп қабылдап алған. Жоба бойынша мердігер мекеме автоматты құрылғысы бар магистральді газ құбырын жүргізуі керек болған. Заңсыз іс-әрекеттің мән жайын қазір сыбайлас жемқорлыққа қарсы іс-қимыл департаментінің қызметкерлері тексеріп жатыр.
Ғани Қалмаханов
