Дикий Арман мен Қайрат Құдайбергенге қатысты тергеу аяқталды

Қаңтар оқиғасынан кейін қамауға алынған Арман Жұмагелдиев пен Қайрат Құдайбергенге қатысты тергеу аяқталып, іс сотқа жолданды. Мұны Алматы сотының баспасөз қызметі растап отыр.

Іс қалалық қылмыстық істер жөніндегі мамандандырылған ауданаралық сотына түскен.

Еске салайық, былтыр 7 қаңтарда полицейлер «Дикий Арман» деген лақап атымен танымал Арман Жұмагелдиевті ұстаған болатын. Көп ұзамай, 22 сәуірде Қайрат Құдайберген де ұсталды. Күдіктілерге қаңтар оқиғасы кезінде адам жинауды ұйымдастырды, жақықсыз жандарды азаптады деген бірнеше айып тағылып отыр. Сондай-ақ, Бас прокуратура «Дикий Арманның» тобы 24 бейбіт тұрғынды ұрлап, күштеп ұстағанын мәлімдеген болатын.