«Ханун» тайфуны енді Солтүстік Кореяға жетті

Жапония мен Оңтүстік Кореяға соққы берген «Ханун» тайфуны енді Солтүстік Кореяға жетті. Алапат тасқын орын алған. Елде қатты жауын-шашын болып бірнеше қала мен елді мекендерді су шайды. Егістік алқаптарына да қауіп төніп тұр. Су апатының зардабын азайтуға әскерилер мен биліктегі жұмысшылар партиясының қызметкерлері тартылып жатыр.

Оңтүстік Кореяда да жағдай қиын. Ішкі істер министрлігінің мәліметінше, 16 мыңға жуық адам эвакуацияланып, 350-дей әуе рейсі тоқтатылды. 450 бағыттағы пойыздар қозғалысы да кейінге қалдырылды. 

Арыстан Рысбек