Жаңалықтарды Telegram арнамыздан оқыңыз!Шығыс Қытай теңізінде бортына 6 мыңға жуық ірі қара тиелген кеме 42 экипаж мүшесімен жоғалып кетті. Бұл апат туралы суыт хабар Жапонияның оңтүстік-батысындағы Амами Ошими деген аралдан жеткен.
Кеме 14 тамызда Жаңа Зеландиядан шығып, Қытайға бара жатқанда ғайып болды. Жапонияның жағалау қызметі бір адамды құтқарғанын хабарлап отыр.
Айта кетсек, бұл апат аймаққа «Майсак» тайфуны соққы берген сәтте болып отыр. Ол дауыл Окинавадан өтіп бүгін Оңтүстік Кореяға алапат жауын мен тасқын әкелді.
Арыстан Рысбек
