Жамбыл облысында өртеніп жатқан құрғақ шөптің аумағы ұлғаюда

Жамбыл облысының Мерке ауданында өртеніп жатқан құрғақ шөптің аумағы ұлғаюда. Соңғы ақпаратқа сәйкес, қызыл жалын 300 гектар жерді шарпыған. Оны сөндіруге 300-ге жуық адам жұмылдырылған. 35 техника, 2 ұшақ пен 1 тікұшақ жөнелтілген. 13 рет әуеден 20 тонна шамасында су шашылды. Өрт Ақтоған ауылынан 20 шақырым жерде орналасқан орман аумағының таулы аймағында тіркелген.

Жамбыл облысының төтенше жағдайлар қызметі оқиға орнында өртті сөндіруді жалғастыруда.

Самал Қабышева