Алматыда кәсіпкерден пара талап еткен тұрғын ұсталды

Алматыда кәсіпкерден 390 мың АҚШ доллары көлемінде пара талап еткен тұрғын ұсталды. Күдіктіні сыбайлас жемқорлыққа қарсы қызмет өкілдеріне жәбірленушінің өзі құрықтап берген. Яғни, күдікті ақшаны алу кезінде ұсталған. Қолға түскен тұрғын өзін құқық қорғау органының қызметкерімін деп таныстырған әрі кәсіпкерлік субъектісіне қатысты тексеру шаралары жүргізіліп жатқандығы туралы жалған ақпарат берген.

Күдікті өзінің делдалдық қызметтерін ұсынып, мәселені шешу үшін ақша талап еткен. Сондай-ақ параны алған азаматтың тұрғылықты жерін тінту кезінде қосымша 470 мың АҚШ доллары табылды. Ұсталған азамат қамауға алынды. 

Самал Қабышева