Отандық тауарлардың Қазақстаннан шыққанын растайтын жаңа тәсілдер енгізіледі

Отандық тауарлардың Қазақстаннан шыққанын растаудың жаңа тәсілдері мен бірыңғай тізімін қалыптастыру қажет. Бұл туралы Үкімет басшысының төрағалығымен өткен өндірушілерді мемлекеттік қолдау тетіктерінің тиімділігін арттыру жөніндегі кеңесте айтылды. Мұндай тізім тауарды өндіретін елді айқындау туралы ақылы сертификаттар беруге тосқауыл болады. Сонымен қатар бірқатар процесті цифрландыру арқылы экспортпен айналысатын отандық компанияларға түсетін жүктеме азаюы мүмкін. Жалпы қазақстандық тауарлардың шығу тегін белгілеу өндірісті жаңғыртуға және тауарларға баға белгілеудің ашықтығын арттыруға мүмкіндік береді.

Серік Селеубай