Жаңалықтарды Telegram арнамыздан оқыңыз!Бірінші шілде күні шетелдік көліктерді заңдастыру аяқталады. Ішкі істер министрлігінің өкілі жұмыс қызу жүріп жатқанын айтады. Әсіресе, көлігін заңдастыруға асыққандардың қатары Астана, Алматы және Шымкент қаласында көп, дейді. Сондықтан Халыққа қызмет көрсету орталықтарының жұмыс уақыты ұзартылған. Сондай-ақ, бірінші шілдеге дейін құжат тапсырғандардың өтініші әрі қарай да қарала беретіндігін жеткізді. Сәйкесінші, сол күннен бастап Ресейден, Еуроодақтың кез келген елінен әкелінген көліктерді есепке алу басталмақ.
Алтынбек Жамалиев, ҚР ІІМ ӘПК ерекше тапсырмалар жөніндегі аға инспекторы:
Біздің есебіміше, бүгінге дейін Қазақстанда бұрын шетелде есепте тұрған 177 мыңнан астам автокөлік тіркелген, оның 10 мыңға жуығы автоконструкторлар. Шамамен 13 000 автокөлік иесінің өтініші алдын ала мақұлданған. Жақын арада бұл көліктердің 90 пайызы тіркелуі мүмкін.
