Франция астанасы Париждің орталығында жойқын жарылыс болды

Франция астанасы Париждің орталығында жойқын жарылыс болды. 37 адам жараланды. Олардың төртеуінің жағдайы ауыр. Тағы екі адам із-түзсіз жоғалып кеткен, оларды іздестіріп жатыр. Қаланың бесінші округінде болған дүмпуден, маңайдағы тұрғындар толықтай эвакуацияланған. Жарылыс пен өртке не себеп болғаны әзір белгісіз. Жергілікті биліктің мәлімдеуінше, тергеу жүріп жатыр. Алдын ала болжам бойынша газ жарылуы ықтимал. Жарылыс орнында 200-ден астам өрт сөндіруші, құтқару қызметі маманы жұмыс істеуде. 

Арыстан Рысбек