Талдықорғанда ауыл әйелдерінің аймақтық форумы өтті

Талдықорғанда ауыл әйелдірінің аймақтық форумы өтті. Ортақ мүддесі бір қыз-келіншектерді бір арнаға тоғыстырған жиынға Алматы, Түркістан, Жамбыл және Қызылорда облыстарынан делегаттар онлайн қатысты.

«Қазақстандағы әйелдер қауымының тең жартысы ауылды жерде тұрады. Еңбек етіп, отбасының ұйытқысы болып, кәсіп жүргізеді. Бірақ олардың елдің өркендеуіне қосқан бұл үлесі назардан тыс қалып жатады» дейді қатысушылар. Осындай басқосулар өзара пікір алмасуға, кәсібі мен берекелі ісін насихаттауға мүмкіндік береді.

Әйелдердің беделі өте жоғары. Белсенділігі де өте жоғары. Сондықтан осындай форумдарда кішкене шынығып, үйреніп, ертең қоғам жұмысына аралассын деген ойымыз бар. Соның нәтижесін де көріп келе жатырмыз.

Айнаш Рыскелдинова, кәсіпкер:

Мынандай форумдардың арқасында әр ауданның әйелдері жиналып, өзіміздің біліктілігімізбен бөлісіп, кәсіптерімізді көрсетіп, клиент тауып жатырмыз, бір-бірімізге үлкен қолдау деп ойлаймын.

Қуаныш Қанатұлы