Жаңалықтарды Telegram арнамыздан оқыңыз!Димаш Құдайбергеннің Түркиядағы тыңдармандары атақты музыкант Халюк Левентке Димаштың атынан қазақтың қасиетті домбырасын сыйлады. Түрік музыканты зілзаладан зардап шеккендерге көмек көрсетіп жүрген АХБАБ қорын құрған болатын. Димаштың өзі де жақында Түркияда өткен коцертінде алапат жер сілкінісінен қаза тапқандарды бір минут үнсіздікпен еске алып, концерттен түскен қаражаттың бір бөлігін апаттан зардап шеккендерге аударған болатын. Халюк Левент болса, Димаштың постерлеріне қолтаңба қалдырып, қазақ пен түрік халқының өнердегі ынтымағы жараса берсін деген тілегін жолдады.
Айдос Әшімұлы
