Жаңалықтарды Telegram арнамыздан оқыңыз!Испанияның оңтүстік-шығысында бірнеше күннен бері алапат тасқын. Нөсер жауын дамылсыз жауып тұр. Жолдарды су басып, көшелер өзенге айналған. Табиғи апаттан әсіресе, Картахена қаласы, Мурсия мен Андалусия аймақтары зардап шекті. Тасқын елді әбігерге салып қана қоймай, экономикаға орасан шығын әкелген. Дегенмен бұл жаңбыр ұзаққа созылған қуаңшылық салдарын жеңілдетеді деген үміт бар. Бұл ел 1961 жылдан бері қуаңшылықты бастан кешіп жатыр.
Арай Төлегенқызы
