Жаңалықтарды Telegram арнамыздан оқыңыз!Түркияда Президенттік және парламенттік сайлаудың нақты қорытындысы әлі жарияланған жоқ. Елдің Жоғарғы сайлау комитеті шетелде тұратын Түркия азаматтары берген дауыстарды санап жатыр. Қазірге дейін ел аумағында берілген дауыстардың 99 пайызы саналды. Санақ нәтижесінде қазіргі президент Режеп Тайып Ердоған 49,4, ал оның негізгі қарсыласы, оппозициялық блоктың жетекшісі Кемал Кылыч Тароғлы 45, ал үшінші кандидат Синан Оған 0,5 пайыз дауыс жинаған. Кандидаттардың бірде-бірі 50 пайыздық межені бағындыра алмаса, онда сайлаудың екінші туры өтеді. Ол 28 мамырға жоспарланған.
Ахмет Йенер, Түркия жоғарғы сайлау комитетінің төрағасы:
Әзірге ел аумағындағы сайлау учаскелерінде 192 мың 214 дауыс беру жәшігінің 27-сі ашылған жоқ. Ал шетелден келген 9594 дауыс беру жәшігінің 1529-ы ашылмады. Осылайша қазірге дейін Түркия аумағында дауыстардың 99 пайызы ал шетелде берілген дауыстардың 84,6 пайызы саналды.
Айдос Әшімұлы
